"Westgold"un vətəni Yeni Zelandiyanın "Cənub ada"sının Qərb sahili – Vest-Kost bölgəsi hesab edilir. Bu, sərt qayalı sahilləri, uca dağları, təmiz havası və leysan yağışları ilə tanınan, gözlərdən uzaq bir yerdir.

Buranı həmçinin ən keyfiyyətli süd məhsullarının istehsalı üçün ideal yer adlandırmaq olar. Təbiət sanki sizi fermer təsərrüfatına həvəsləndirəcək ən məhsuldar, ən yaşıl otlaqları burada yaradıb. Artıq 125 ildən çoxdur ki, bu işlə məşğuluq. Bu sənəti daha da kamilləşdirib gələcək nəsillərə ötürərək, ətraf mühitə, torpağa və heyvanlara hörmətlə yanaşaraq bu işi görürük.

Bizi əhatə edən hər şey kimi təbii olan zəngin dad da məhz bunun nəticəsidir. Sevdiyiniz, dadına alışdığınız yeməyi tezbazar bişirəndə də, yeni bir şey dadmaq istəyəndə də özünüzü Vest-Kostda hiss edəcəksiniz.

Keyfiyyət bizim üçün hər şeydir. Buna görə də dünya səviyyəli keyfiyyət təcrübəsinə və keyfiyyətə nəzarət imkanlarına sərmayə qoyuruq. Ərzaq məhsullarımızın dadı və tərkibinin zənginliyi bizim üçün vacibdir, məhz buna görə də təhlükəsizlik istehsal prosesimizdə əsas yeri tutur. Hərtərəfli sınaqlarla yanaşı, həmçinin sağım prosesindən son pərakəndə satış məntəqəsinə qədər bütün təchizat zənciri boyunca hər bir məhsulun keyfiyyətinə nəzarət imkanı verən texnologiyalara sərmayə qoyuruq. "Westgold" alarkən süd məhsullarımızın təhlükəsiz, təbii və dadlı olduğundan əmin ola bilərsiniz.